Monday, October 22, 2007

ဇာဂနာ အဖမ်းခံရခြင်း(၂)

ဇာဂနာအဖမ်းခံရခြင်း(၂)

zarganar | 20 October, 2007 16:14

လော်စပီကာက လိုက်အော်နေတာကတော့ ည မထွက်ရအမိန့်တဲ့။ဒီတော့လဲ ကိုယ့်အိမ်ကိုယ်ပြန်ပေါ့။တကယ်ကတော့ လူ ကတော်တော် ပြိုင်းနေပြီ။ရေချိုးလိုက်တော့ ငိုက်လာတယ်။ဒါပေမဲ့အိပ်လို့ကမဖြစ်သေးဖူးလေ။ဓါတ်ပုံတွေ video file တွေပို့ရချေဦးမယ်။ကွန်ပျူတာရှေ့ကထ တော့ ၁၂နာရီ ထိုးနေပြီး။အိပ်မ၇သေးတာနဲ့ တီဗိရှေ့ခနထိုင်ပြီး ဆရာကြီး မာတင်စကော့ဆေးဆေး ရဲ့ DEPARTED ကို ကြည့်နေလိုက်တာ ၁၅ မိနစ် ပဲ ကြာမယ် ထင်ပါရဲ့ ခေါင်းလောင်းသံ တညံညံပေးလို့ မောင်မင်းကြီးသားများ ကြွချီလာပါတော့တယ်။ထုံးစံအတိုင်း သန်းခေါင်စာရင်းစစ်မယ်ပေါ့လေ။သို့သော်လဲ တဲ့ အဲ တဲ့ ဆိုသလိုပါပဲ မှတ်ပုံတင် ကပ်ပြားတောင် မျက်မွေးထော် လော် လို့မကြည့်ပဲ ဇာဂနာ့ အခန်းတစ်ခန်းလုံးအကြိုအကြားပါမကျန် ရှာနေပါတော့တယ်။ကိုအောင်ဝေး ရဲ့လက်ရေးနဲ့ရေးထားတဲ့ ပြည်သူသို့ပန်ကြားချက် စာရွက်ရယ် မင်းဇေယျာ ရဲ့လိပ်စာကပ်ပြားရယ်

ပြုံးချို မင်္ဂလာဆောင်တုန်းက စုရိုက်ထားတဲ့ ဓါတ်ပုံတွေရယ် ဇာဂနာ့ လက်ကိုင်ဖုန်းလေးရယ် သိမ်းဆည်းပြီးသကာလ အစောင့်အကြပ်များစွာနဲ့ ဇာ၈နာကို ကားပေါ်တင်ခေါ်လာပါတော့တယ်။ရန်ကုန်အင်းစိန်လမ်းမကြီးပေါ်ရောက်တဲ့အခါမှာတော့ အော် ငါ့ကို အင်းစိန်ထောင်ပို့တော့မှာပဲ လို့အတတ်သိလိုက်ပါလေရော။ကောင်းပေါ့ကွာ ပေါ်ဦးတို့ ကေကျု တို့နဲ့တွေ့ရချေသေးရဲ့ သူတို့နဲ့တွေ့ရင် ဘာတွေပြောရမယ် ဆိုတာ စာလုံးတွေ စီနေတုန်း ဗြုံးဆို မော်တော် ကားကြီး က ကဒန်း ကဒန်း နဲ့ထိုးရပ်သွားပါလေရော။ ဘာဖြစ်မှန်းလဲမသိတော့ မောင်မင်းကြီးသားတွေခမျာ လက်နှိပ် ဓါတ်မီး နဲ့ တောင် တထိုးထိုး မြောက်တ ထိုးထိုးပေါ့။နေရာက စက်မှုတက္ကသိုလ်ရှေ့ ဆိုတော့ ဇာဂနာ့စိတ်ထဲ ခုနေ ဆင်းပြေး ကျောင်းဝင်းထဲပြေးဝင် အဲ ပြီးရင်တော့ ကျွန်တော် ဇာ၈နာပါခင်မျ ကျွန်တော့်ကို သူတို့ဖမ်းလာပါတယ် လို့အော် ကျောင်းသားတွေ ပြေးထွက်လာ။ပွဲသိမ်းပဲ။သို့သော်လဲ တဲ့ အဲ တဲ့ ဆိုသလို ကျောင်းတွေက ပိတ်ထားပြန်လေတော့ နေရာက မကျချင်ဖူး။တစ်ခါ မောင်မင်းကြီးသားများက သေချာပေါက် လိုက်ဖမ်းမှာအမှန်ပြီးရင် ကိုယ့်ကို ဗျင်း ဦးမှာသေချာတယ်။ဇာဂနာ ဆိုတဲ့ကောင် ကလဲ သူ့အသားနာမှာတော်တော် ကြောက်သလို သူများအသားနာအောင်လဲတစ်ခါမှ မလုပ်စဖူး။ထူးပါဖူးလေ ဆို ပြီး နေရာမှာသာ ငုတ်တုတ် ထိုင်နေရပါတော့တယ်။ဒီလိုနဲ့ အင်းစိန်မြို့ရဲ့ ကျက်သရေဆောင် အင်းစိန်ထောင်ကြီးရဲ့ တွဲဘက်ထောင်ဝင်း ကို ရောက်လာပါလေရော။မောင်မင်းကြီးသားများကလဲသူတို့လက်ကလွတ်ဗြွတ် လို့များသဘောထားလေသလားမသိပါဖူး။တွဲဖက်ထောင် ရုံးခန်းထဲ ဇာဂနာ့ကို ထားခဲ့ပြီး ထွက်သွားကြပါလေရော။ကြိုဆိုဧည့်ခံမဲ့သူတစ်ယောက်မှ မရှိပေမဲ့ ကိုယ့်အိမ်ကိုယ့်ယာလိုသဘောထားပြီး ရုံးခန်းထဲမှာ ဇာဂနာတစ်ယောက် ကတော့ ခြေဆန့်လက်ဆန့်နဲ့ကားယားကြီးအိပ်ပျော်နေပါတော့တယ်။ဝါး အိပ်လို့တယ်ကောင်း။

1 comment:

Zarni Lwin said...

Thanks for posting your experience. In the midst of all the situation, you still have this sense of humor. That's your gift.