ကယ်ဆယ်ရေးလုပ်သားကြီး လူရွှင်တော် ဇာဂနာ

ကယ်ဆယ်ရေးလုပ်သားကြီး လူရွှင်တော် ဇာဂနာ 

ဧရာဝတီ | မေ ၃၁၊ ၂၀၀၈

မေး။ ။ ဖြစ်တဲ့နေ့ကစပြီးတော့ အခုလက်ရှိကာလအထိ အခြေအနေ ဘယ်လိုရှိလဲဆိုတာ အရင်ပြောပြပါ။

ဖြေ။ ။ ကျနော်တို့က မေလ ၇ ရက်နေ့ကနေစပြီးလုပ်တာ ဒီနေ့မနက်အထိ လုပ်နေကြတယ်။ ရောက်တာလည်း မြို့အကုန်ကုန်ပြီ၊ ငပုတောတမြို့ဘဲမရောက်သေးတာ … ဒါလည်း ကျနော်သာမရောက်တာ ကျနော်တို့အဖွဲ့က ရောက်ပြီးသွားပြီ။ အဲဒီအပြင် ကျနော်တို့အဖွဲ့က ဘယ်လိုနေရာတွေရောက်လဲဆိုတော့ ဘာအကူအညီမှ မရသေးတဲ့ ရွာပေါင်း ၄၂ ရွာ ရောက်ပြီးပြီ၊ ဒေးဒရဲအပိုင်ထဲမှာရှိတယ်၊ စပါးဒိုင်တွေကို စုထားတဲ့ရွာ … ကျေးရွာအစုကြီး ၃ စု။

ဘိုကလေးအပိုင်ထဲမှာလည်း ကျေးရွာအစုကြီး ၃ စု … အဲဒါမျိုးတွေကို ကျနော်တို့အရောက်သွားတယ်။ အဲဒီရွာတွေ ၄၂ ရွာရှိတယ်၊ ဘာအကူအညီမှမရကြသေးဘူး။ နိုင်ငံတော်အဆင့်ကပေးတဲ့ အကူအညီတင် မဟုတ်ဘူး … ယူအန်ဆီကလည်းမရဘူး၊ ဘယ်အန်ဂျီအိုမှလည်း မရောက်ကြသေးဘူး။

မေး။ ။ အဲဒီနေရာတွေမှာ ဘာတွေတွေ့ခဲ့သလဲ၊ လူတွေဘယ်လောက်သေသလဲ၊ ဘာအကူအညီတွေ လိုအပ်နေသလဲ၊ ရွာတွေ ဘယ်လောက်ပျက်သွားတယ်ဆိုတာကို ပြောပြနိုင်မလား ခင်ဗျ။

ဖြေ။ ။ ကျနော် ဥပမာတခုပြောပြမယ်။ မငေးကြီးဒိုင်နယ်ဆိုရင် အိမ်ခြေတထောင်ရှိတယ် … အဲဒီတထောင်မှာ ၇၀၀ က ဘာမှမကျန်အောင်ကို လုံးဝပျက်စီးသွားတယ်။ အိမ်ခြေ ၃၀၀ က တိုင်လောက်၊ အခင်းလောက် ကျန်တယ်။ လူ ၂၂၁ ယောက်သေတယ်၊ ၃၀၀ က ပျောက်နေတုန်းပဲ အခုအထိရှာမတွေ့သေးဘူး၊ ဘယ်ရောက်နေမှန်းလည်း မသိဘူး။

ကျနော်တို့ရောက်တဲ့ ၂၂ ရက်နေ့အထိ အလောင်းတွေက ချောင်းထဲမှာဒီအတိုင်းရှိနေတုန်းပဲ။ အစိုးရကပေးတဲ့ ဆန် နို့ဆီဘူး ၇ လုံးနဲ့ စေတနာရှင်တယောက်ကလာလှူတဲ့ ခေါက်ဆွဲခြောက်တထုပ်ဆီ ရတယ်၊ အဲဒါကလွဲရင် ဘာမှမရကြသေးဘူး။ အဲဒါ မုန်တိုင်းအလွန် ရက် ၂၀ အကြာ …။

ပြီးခဲ့တဲ့ ၂၈ ရက်နေ့က ကျနော်တို့ ဘိုကလေးကနေပြီးတော့ တင်မောင်းချောင်း၊ ကြိမ်စု၊ ထိပ်ချောင်းကြီးကျေးရွာ၊ ကန်စု၊ ရွှေဘိုစု … အဲဒီနေရာတွေကိုရောက်တယ်။ အဲဒီနေရာမှာရှိတဲ့ လူတွေအားလုံးက ဘာအကူအညီမှ မရသေးဘူး၊ ဘယ်သူကမှလာမပေးဘူး … အင်္ကျီမရှိဘူး၊ ကလေးတွေက ကိုယ်တုံးလုံးနီးပါးဖြစ်နေတယ်။

အရေအတွက်က မိသားစု ၅၄၂ အိမ်ထောင်ရှိတယ် … အဲဒီအိမ်ထောင်စုတွေအားလုံး အိမ်မရှိတော့ဘူး။ အဲဒီမှာ အကျွတ်အလွတ်ဆိုတဲ့ ဘုရာလေးတဆူရှိတယ်၊ အဲဒီဘုရားကလည်း ပျက်စီးနေပါပြီ၊ ထီးတွေဘာတွေ ကျိုးကျနေပြီ … သူတို့ခမျာ အဲဒီဘုရားရင်ပြင်ပေါ်မှာ စုပြုံပြီးတော့အိပ်နေကြတယ်။ ယူအန်မလာဘူး၊ အန်ဂျီအို မရောက်သေးဘူး … ဘာအကူအညီမှ မရဘူး။ ကျနော်တို့ ပုဂ္ဂလိကအဖွဲ့ကလေးတွေပဲ အဲဒီကို ရောက်တယ်။ ကျနော်တို့ရောက်တဲ့ အချိန်ကတော့ သူတို့ဘာမှမရသေးလို့ တော်တော်များများ ပေးနိုင်ခဲ့တယ်။ အဆိုးဆုံးက အဲဒီမှာ ရေမရှိဘူး၊ သောက်ရေလုံးဝမရှိဘူး။ အဲဒီလိုမရှိတဲ့အတွက် မိုးရွာမှ ရေခံပြီးသောက်နေရတယ်။ ရေသန့်တွေကို သင်္ဘောနဲ့တင်ပြီး သွားပို့ရတယ်။ ရေသန့်ဘူးပေါင်းတသောင်း။

မေး။ ။ အစိုးရ ရနေတဲ့ … လက်ခံထားတဲ့ နိုင်ငံတကာကအကူအညီတွေ အဲဒီဘက်ကို မရောက်ဖူးဘူးလား ခင်ဗျ။

ဖြေ။ ။ အဲဒါတွေက … ကယ်ဆယ်ရေးစခန်းတွေရှိတယ်ဗျ။ လပ္ပတ္တာမှာရှိတယ်၊ ဘိုကလေးမှာဆိုလည်းရှိတယ် … အဲဒီစခန်းတွေမှာတော့ မိုးကာတဲတွေနဲ့နေရတယ်၊ တတဲကို ၄၊ ၅ ယောက် နေကြတယ်။ အဲဒီမှာ ထမင်း ချက်တယ်၊ ဆန်ပြုတ်သောက်ရတယ်၊ အဲဒီဘက်တွေမှာတော့ရတယ်။ အရည်အတွက်အားဖြင့် နည်းနည်းလေးပဲရှိတယ်။ ရွာတွေမှာရောက်နေတဲ့လူတွေကတော့ ဘာမှမရကြဘူး။

မေး။ ။ ယူအန် က ပြောတယ်။ လွန်ခဲ့တဲ့အပတ်အထိ လူဦးရေ ၂၅ ရာခိုင်နှုန်းအထိပဲ အကူအညီတွေ ရောက်သေးတယ်ဆိုတော့ … အဲဒီတွက်ချက်မှုက ဘယ်လောက်အထိ မှန်ပါသလဲ။

ဖြေ။ ။ မှန်တယ်လို့တော့ပြောလို့ရတယ်။ အဲဒီလို ကယ်ဆယ်ရေးနေရာတွေကို ရောက်တဲ့လူက နည်းနည်းရယ် … ကျန်တဲ့ ကျွန်းတွေ၊ ကိုယ့်ရပ်ရွာတွေပေါ့ဗျာ … ဘယ်သူမှလည်း လာမခေါ်လို့၊ ဘယ်သူမှလည်း လာမရလို့၊ ကားလမ်းလည်းမပေါက်လို့ ရေလမ်းတခုပဲ အားကိုးအားထားပြုပြီး ကိုယ့်ရွာလေးမှာ အသက်ရှင်ကျန်နေကြတဲ့ လူတွေပေါ့ဗျာ … စိတ်မကောင်းစရာအကြောင်းလေးတခု ကျနော်ဖြတ်ပြောပြမယ် … အဘွားကြီးတယောက်က သူ့မှာ မိသားစု ၁၁ ယောက် ရှိတယ်၊ ၁၀ ယောက်သေသွားပြီး သူတယောက်တည်းကျန်ခဲ့တယ်။ အဲဒီလို ၁၀ ယောက်သေသွားတယ်ဆိုတာကို သူမသိဘူး၊ သူကိုယ်တိုင်လည်း သူ့ကိုယ်သူ မမှတ်မိတော့ဘူး။ အဲဒီလိုလူတွေ အများကြီးပဲ၊ ကျွန်းတွေပေါ်မှာ အဲဒီလို ကြောင်ပြီးကျန်ခဲ့တဲ့လူတွေ အများကြီးပဲ။ တံငါရွာလေးတွေပေါ့။

မေး။ ။ အဲဒီလို စိတ်ပိုင်းဆိုင်ရာထိခိုက်သွားတဲ့လူတွေ ဘယ်လောက်တွေ့ခဲ့သလဲ။ သူတို့တွေက ဘယ်လိုအခြေအနေမျိုးမှာ ရှိနေကြသလဲ ခင်ဗျ။

ဖြေ။ ။ ၃ မျိုးတွေ့တယ်ဗျ။ တမျိုးက အရမ်းပေါက်ကွဲနေတယ်၊ အထိမခံရွှေပုဂံပေါ့ဗျာ … ဘာမှကိုအပြောမခံဘူး၊ ဒေါသတွေကြီးနေတယ်၊ တချိန်လုံး စိတ်တွေတို ရန်လိုနေတဲ့လူတွေကို တွေ့ရတယ်။ ဒုတိယတမျိုးကျတော့ လုံးဝကို ငိုပြီးတော့ သူ့မှာ ကြုံခဲ့ရတဲ့အခက်အခဲကြီးကိုပြန်ပြီးတော့ တချိန်လုံးတွေးပြီး ပြောကာပြောကာနဲ့ ငိုနေတဲ့လူတွေကို တွေ့ရတယ်။ နောက်တခုကတော့ ဘာစကားမှကို မပြောတော့ဘူး၊ လှုပ်လဲမလှုပ်တော့ဘူး။ ကျနော်တို့က ဆန်သွားဝေတယ်ဗျာ … တယောက်ကို ဆန် ၄ ပြည်နှုန်းနဲ့ဝေတယ်။ နောက်ပြီးတော့ ပဲဝါ၊ ပဲကတ္တီပါပေးတယ်။ အဲဒါတွေကို အထုပ်တွေနဲ့ စောင်၊ ခြင်ထောင်ပါထည့်ပြီး တယောက်ချင်းစီကိုပေးတယ်။ အဲဒီလိုပေးတာကိုတောင် လာမယူတော့ဘူး။ ဘာကိုမှ စိတ်မ၀င်စားတော့ဘူး … ငါတို့ဘ၀ သေတာပဲ ကောင်းပါတယ်ဆိုတာမျိုးတွေရှိတယ်။

မေး။ ။ ကိုဇာဂနာ သွားခဲ့တဲ့နေရာတွေမှာ နိုင်ငံတော်က ဘာတွေလုပ်ပေးနေတာကို တွေ့ခဲ့ပါသလဲ။

ဖြေ။ ။ ဘာမှလုပ်မပေးဘူး။ ရတာက အခုနကျနော်ပြောသလို ဆန်နို့ဆီဗူး ၇ လုံးနဲ့ စေတနာရှင်တယောက်ဝေသွားတဲ့ ခေါက်ဆွဲခြောက်တထုပ်ပဲရတယ်။ အဲဒါ ၂၈ ရက်နေ့ ကျနော်တို့ရောက်သွားတဲ့ အချိန်အထိ …

မေး။ ။ အဲဒီဖက်တွေကိုကျတော့ အကူပစ္စည်းကို ဘာနဲ့ပို့ရသလဲ။ လှေတွေနဲ့သွားတာလား။

ဖြေ။ ။ ဟုတ်တယ် … လှေနဲ့သွားရတာ။

မေး။ ။ ကိုဇာဂနာတို့လို ပုဂ္ဂလိကအလှူရှင်တွေအနေနဲ့ ဘယ်လောက်အထိ လုပ်ခွင့်ရသလဲ။

ဖြေ။ ။ အစပိုင်းကတော့ ကျနော်တို့က တွန်းလုပ်တာပေါ့ဗျာ … နည်းနည်းတော့ အခက်အခဲရှိတယ်။ ထိပ်တိုက်တိုးရတာတွေ ရှိတယ်။ ဥပမာ - ခင်ဗျားတို့က ဘာဖြစ်လို့ ကျနော်တို့ကို (အာဏာပိုင်) မတိုင်ပင်ဘဲ သွားတာလဲ၊ ကျနော်တို့ကိုပြောပါ ဘာညာဆိုပြီး နည်းနည်းညှိနှိင်းပြီးလုပ်ကျတဲ့။ ခင်ဗျားတို့ရဲ့ အသက် အန္တရာယ်ကို တာဝန်မယူဘူးတဲ့ … မယူလဲနေ၊ သေချင်သေပလေ့စေ၊ သွားမယ်ပြောပြီး တိုးဝင်သွားရတာတွေ ရှိတယ်။ စေတနာရှင်တွေ ကိုယ်တိုင် သွားလှူလို့ရတယ်အမိန့်ထွက်ပြီးတော့ သိပ်မပြောတော့ဘူး … သဘာဝ ဘေးအန္တရာယ်ကာကွယ်ရေးအဖွဲ့က ထုတ်တဲ့အမိန်လေ … သွားလာရေး ခက်ခဲ့တဲ့နေရာတွေကိုသွားနိုင်ရင် ပိုမိုကောင်းမွန်ပါတယ်၊ ပုဂ္ဂလိကအလှူရှင်များ မိမိသဘောနဲ့မိမိ ကြိုက်သလိုလှူဒါန်းနိုင်ပါတယ်လို့ အမိန့်မှာပါတယ်။

အဲဒိအမိန့်ထွက်ပြီးမှ တရုတ်တန်းက ကုန်သည်များအဖွဲ့၊ မဂိုလမ်းက ရွှေဆိုင်တွေတွေပါ အကူကိစ္စ လုပ်လာကြတယ်။ သူတို့တွေဝင်လာတော့ ဒုက္ခသည်တွေလည်း ပိုရတာပေါ့။ သူတို့တွေ ချောင်ကျတဲ့ နေရာတွေကို မသွားနိုင်လည်း ကျနော်တို့အဖွဲ့က ယူသွားပေးတယ်။ ဥပမာ - ဘိုကလေးမြို့ ဆိုပါတော့၊ အလှူရှင်တွေက မြို့ပေါ်မှာထားခဲ့ … ကျနော်တို့သရုပ်ဆောင်တွေက ရွာတွေဆီယူသွားပေးပေါ့။ ကျနော်တို့ အဖွဲ့မှာ ၀ိုင်းကူလုပ်နေတဲ့လူ ၄၂၀ ရှိတယ်။ ထိရောက်မှုရှိအောင် အဖွဲ့တွေခွဲပြီး လုပ်ကြတယ်။

မေး။ ။ တနေ့က မြန်မာ့အလင်းမှာ လူတွေကို ဖားရှာ၊ ငါးရှာစား … နောက်နှစ်ဆို ဧရာဝတီမြစ်ဝကျွန်းပေါ်မှာ စပါးတွေရွှေရောင်းသန်းပြီးတော့ ပြန်လည်ထူထောင်ရေးလုပ်ငန်းနဲ့ စည်ပင်တော့မယ်လို့ ရေးထားတယ်။ အဲဒါ ဖြစ်နိုင်ပါ့မလား ခင်ဗျ။

ဖြေ။ ။ အဲဒီအိပ်မက်ကလေးကောင်းသားပဲလို့ ကျနော်ပြောချင်တယ် … ဟဲဟဲဟဲ … ဖားရှာ၊ ငါးရှာ ရှာလို့ရမလားတော့ မသိဘူး … ဧရာဝတီမြစ်ကြီးနဲ့ ဘိုကလေးမြစ်ဆိုရင် ရေအရောင်ကို နာမည်ပေးထားတယ်၊ နာဂစ်ကာလာလို့။ ဘာလဲဆိုတော့ ဖြူဖြဲဖြဲ အရောင်ကြီး၊ အဲဒီအရောင်ကြီးနဲ့ လူနဲ့ ကျွဲ နွားအလောင်းတွေက အများကြီး … နာဂစ်ရနံ့ဆိုတာရှိသေးတယ် … အဲဒီညှီနံ့ကြီးက ပြန်လာရင်ပါလာတာပဲ၊ ဘယ်သူမှမခံနိုင်ဘူး အန်တယ်။ ဒီတော့ အဲဒီလိုနေရာတွေမှာ ဘယ်လိုလုပ်ပြီး ငါးရှာ၊ ဖားရှာမှာလဲဗျာ … ငါးဖမ်းမယ့်အစား အလောင်းတွေဖဲ့စားမှ ရတော့မယ်။

မေး။ ။ အလောင်းကိစ္စကို မေးချင်သေးတယ်။ အခုထိ အလောင်းတွေကို သင်္ဂြီုဟ်လို့ မပြီးသေးဘူးလား ခင်ဗျ။

ဖြေ။ ။ ကောက်ကို မကောက်နိုင်သေးတာ။ ၂၈ ရက်နေ့ ဘိုကလေးကပြန်လာတယ်။ ရွာ ၅ ရွာကို သွားခဲ့တယ်။ အဲဒီ ၅ ရွာမှာ ဗီဒီယို၊ ဓာတ်ပုံ မရိုက်နိုင်တော့ဘူး … အလောင်းတွေများလွန်းလို့။ အနည်းဆုံး အလောင်း ၄၀ လောက် တွေခဲ့တယ်။ အဲဒါတောင် ဟိုးအစွန်ပိုင်းကအလောင်းတွေကို ကောက်ပြီးတော့ မီးရှို့လိုက်တာ တထောင်ကျော် ရှိတယ် … စေတနာရှင်တွေက မီးစက်ကြီးတွေ အလုံး ၈၀ လောက်သယ်လာပြီး မီးရှို့ပေးတာ။ ကျနော်သိသလောက် အေဇက်ဂျီတို့ ခရစ်ယန်သာသနာပြုအဖွဲ့တို့ကပေါ့။

မေး။ ။ ဧရာဝတီမြစ်ဝကျွန်းပေါ်မှာ ကရင်လူမျိုးတွေအများစုနေကြတယ် … သူတို့တွေရဲ့ အခြေအနေကရော ဘယ်လိုရှိပါသလဲ။

ဖြေ။ ။ ဘိုကလေးအပိုင်တို့ ဒေးဒရဲအပိုင်တို့မှာ ကရင်ရွာတွေရှိတယ် … အများစုက ခရစ်ယာန်ဘာသာဝင်တွေ ဖြစ်တယ်။ အဲဒီက ကရင်တွေကို သဘောကျတယ်ဗျ။ ကျနော်တို့ရောက်သွားတဲ့အချိန်မှာ ရွာထဲကနေကူမယ့် လူတွေကို ခေါ်တယ် … သူတို့ကို ရန်ကုန်ခေါ်လာပြီး ဆရာဝန်တွေနဲ့ ဆွေးနွေးပွဲတွေ လုပ်ပေးတယ်။ သူ့တို့က ရွာကိုပြန်ပြီး တည်ဆောက်ရေးကို ဦးဆောင်ကြမှာလေ။

အရေးပေါ်လိုအပ်နေတဲ့ အမိုး၊ အကာနဲ့ အစားအသောက်စတဲ့ အကူပစ္စည်းတွေပေးပြီး ဒုတိယအဆင့်အနေနဲ့ ဒီနေ့ကစပြီးတော့ ကန်စွန်း၊ ဟင်းနုနွယ်၊ ချင်ပေါင် မျိုးစေ့တွေပေးတယ်။ ဘယ်မြေမှာမဆိုစိုက်လို့ရအောင်ထည့်တဲ့ မြေသြဇာပေးတယ်၊ သုံးပုံသုံးနည်းကိုလည်း သင်ပေးတယ်။

မေး။ ။ အခုလိုကာလမှာ စိုက်ပျိုးရေးလုပ်ငန်းတွေ ပြန်စလို့ရမယ် ထင်ပါသလား။

ဖြေ။ ။ စပါးကတော့ မရနိုင်သေးဘူး။ ဟင်းသီးဟင်းရွက်၊ ဘူးသီး၊ ခ၀ဲသီးလောက်ကတော့ ရနိုင်တယ်။ ဒီနေ့စလုပ်တယ် … ရွာတွေကပါလာတဲ့ ကရင်တွေကို တတ်ကျွမ်းတဲ့လူတွေနဲ့ သင်ပေးတယ်။

မေး။ ။ ကရင်လူမျိုးတွေ တိုင်းရင်သားတွေမို့ အကူအညီမရကြဘူးလို့ ပြောကြတာတွေလည်းရှိတယ်။ အဲဒါ ဟုတ်ပါသလား။

ဖြေ။ ။ တိုင်းရင်သားမှမဟုတ်ပါဘူး … ဗမာလည်း မရကြပါဘူး … ဘယ်သူမှမရကြတာပါ။ စပါးပြန်စိုက်ဖို့ အချိန်က ၁၅ ရက်ပဲ ရှိတော့တယ်။ အခု ကျနော်တို့က ကုမ္ပဏီကြီးတွေကို မေတ္တာရပ်ခံပြီး လိုက်ညှိနေတာ … ထိုင်းက ပညာရှင်တွေနဲ့လဲ ညှိထားတယ်။ ရွှေကျွဲလို့ခေါ်တဲ့ လက်တွန်းလယ်ထွန်စက်ပေါ့ … အဲဒီကောင်နဲ့ဆိုရင် နေ့ဝက်ကို တဧကပြီးတယ်။ စက်တလုံးကို ကျပ် ၁၄ သိန်းရှိတယ်။ ကျွန်းညိုကြီးတိုက်နယ်ကို အဓိကနေရာအဖြစ် သတ်မှတ်လိုက်တယ်။ အဲဒီမှာ လူဦးရေ ၅၅၁၄ ဦး ရှိတယ် … အဲဒီမှာ အလုပ်လုပ်နိုင်တဲ့ ယောက်ျားဦးရေက ၃၂၀၀ ကျော် ရှိတယ်။ အဲဒီကမြေကြီးတွေကို ထိုင်းက ပညာရှင်တွေနဲ့ပြင်ကြည့်တော့ ရတယ်။ သံဘီးတပ်တဲ့ ရွှေကျွဲ ၁၈ လုံးလောက်ရှိရင် အလုပ်စလုပ်လို့ရပြီ။ အခုအလှူခံထားတာ ၁၀ လုံးရပြီ၊ နောက် ၈ လုံးလိုသေးတယ်။

မေး။ ။ အိမ်နီးချင်းနိုင်ငံတွေက ကျန်းမာရေးအဖွဲ့၊ ကယ်ဆယ်ရေးအဖွဲ့တွေ လာကြတယ်။ သူတို့တွေကော အဲဒီနေရာတွေကို ရောက်ကြရဲ့လား။

ဖြေ။ ။ တခြားနိုင်ငံတွေကတော့မရောက်ဘူး။ ကျနော်တို့နဲ့အတူ ထိုင်းက အမျိုးသမီးတယောက်လိုက်လာပြီး မြေကြီးတွေ လေ့လာတာတော့ရှိတယ်။ မနေ့ကပြန်သွားတယ် … စနေနေ့ ပြန်လာမယ်။ သူပြန်လာရင်တော့ သိရမယ် ဒီမြေကြီးကို ၁၅ ရက်အတွင်း စပါးစိုက်လို့ ရ မရကို။

မေး။ ။ မြန်မာနိုင်ငံမြောက်ပိုင်း၊ အထက်ပိုင်းကကော ဘယ်လိုအကူအညီတွေရပါသလဲ ခင်ဗျ။

ဖြေ။ ။ ရောက်လာတယ် … အများကြီးပဲ။ ဥပမာ - နမ္မတီး၊ မြစ်ကြီးနား၊ လားရှိုး ဘက်ကဆို ၁၀ ဘီး ကားကြီးတွေနဲ့ လာတာ။ ဆီတွေဆိုရင် ပေပါ ၂၀၀ တို့ … အခုနောက်ပိုင်း ဆင်းလာတယ်။ လားရှိုးက ဆင်းလာတဲ့အဖွဲ့ဆိုရင် ခရစ်ယာန် သာသနာပြုအဖွဲ့နဲ့ ပေါင်းပြီး ဆင်းလာတာ ၁၀ ဘီးကား ၁၀ စီးနဲ့။ အခုနပဲ သွားကြိုလာတာ … ရှမ်းလူမျိုးတွေ။

မေး။ ။ ရန်ကုန်မြို့အခြေအနေကိုလည်း ပြောပြပါဦး။

ဖြေ။ ။ အဲဒီနေရာတွေကိုလည်း သွားနေရတာပါပဲ။ ဒီနေ့မနက်ဆိုရင် ဒလ၊ ကွမ်းခြံကုန်းနဲ့ ကြည့်မြင်တိုင် တဘက်ကမ်းက ညောင်ဝိုင်းကို ကျနော်တို့အဖွဲ့တွေ သွားကြတယ်။ အဲဒီနေရာတွေက မြစ်ဝကျွန်းပေါ်လောက် ဆိုးဆိုးရွားရွား မဖြစ်ပါဘူး။ ဒါပေမယ့် အိမ်တွေပြိုသွားတယ်၊ အဲဒီလူတွေကိုလည်း လှူရတာပေါ့။ အဲဒီကလူတွေက မြစ်ဝကျွန်းပေါ်လောက်တော့ စိတ်ပိုင်းဆိုင်ရာ မထိခိုက်ဘူး။

မေး။ ။ ပြည်ပကလူတွေကိုရော ကိုဇာဂနာ ဘာပြောချင်သေးလဲ။

ဖြေ။ ။ ကျနော်တို့ မတတ်နိုင်တဲ့အတိုင်းအတာတွေ ရှိပါတယ်။ အပြင်ကလူတွေ လုပ်ပေးလို့ ရနိုင်တာတွေကတော့ ပျက်စီးသွားတဲ့ရွာတွေ အမြန်ဆုံးပြန်လည်ထူထောင်နိုင်ဖို့အတွက်ပါ။ ဥပမာ - ဆူနာမီ တုံးကဆိုရင် ထိုင်းနိုင်ငံမှာ ပညာရှင်တွေ ချက်ချင်းရောက်လာတယ်။ ပြီးတော့ အိမ်တွေကို ချက်ချင်း ဆောက်ပေးလိုက်နိုင်တယ် … အဲဒီလိုမျိုး ကျနော်တို့ မတတ်နိုင်ဘူး၊ အဲဒီလောက်လည်း မချမ်းသာဘူး။ ဘီလ်ဂိတ်လိုလူမျိုးကလည်း လှူတယ်ဆိုပြီးတော့ ဘယ်လိုလူတွေကို ဘာတွေလုပ်ပေးနေသလဲဆိုတာ စဉ်းစားလို့ကို မတတ်ဘူး။

အိမ်တလုံးဆောက်ဖို့ ဘယ်လောက်မှလည်း မကုန်ပါဘူး … အဲဒီလိုအိမ်လေးတွေများ နိုင်ငံတကာက ရွာတွေမှာ လာဆောက်ပေးနိုင်မယ်ဆိုရင် … …။

ယူအန်ကိုတော့ မကျေနပ်ဘူး။ ကျနော်တို့ပြည်သူတွေအတွက် ဘာမှ ထိထိရောက်ရောက် မလုပ်ပေးနိုင်လို့။ အခု ဘိုကလေးမှာ ကျနော်တို့ရောက်တဲ့ ရွာတွေရှိတယ်ဗျာ၊ ကိုဝေဠုကျော်တို့ရောက်တဲ့ လပ္ပတ္တာကရွာတွေ၊ ကျနော်တို့လူတွေရောက်တဲ့ ငပုတောကရွာတွေ … ကျနော်တို့မှာ မြေပုံတွေရှိပါတယ်၊ အဲဒီနေရာတွေကို ယူအန်က တယောက်မှ မရောက်သေးဘူးဗျာ။ ယူအန်ဖြစ်ဖြစ် … တခြား အန်ဂျီအိုဖြစ်ဖြစ် … သူတို့တွေက အစိုးရ ငြိုငြင်မှာကို ကြောက်နေတယ် … အဲဒါကို ကျနော်ကမကြိုက်တာ။ ဒုက္ခသည်ကိုကူညီမှာ ဘာလို့ ငြိုငြင်တာ မခံရဲရတာလဲ။ မသွားရဘူးပြောလည်း သွားပေါ့ဗျာ ဘာဖြစ်လည်း။ ဒါမှမဟုတ် သွားလာနေတဲ့လူတွေကို အကူအညီပေးပေါ့။ ကျနော်တို့လို အလားသဏ္ဍန်တူ သွားနေတဲ့အဖွဲ့ ၄၊ ၅ ဖွဲ့ လောက်ရှိတယ်။ အဲဒါတွေကိုလည်း အကူအညီမပေးဘူး … မယက ရုံးထဲကို ပစ္စည်းတွေ သွားပို့နေတော့ ဘာသွားလုပ်မလဲ။

မေး။ ။ လူတွေ တောင်းစားတယ်ဆိုတဲ့ကိစ္စကကော ခင်ဗျ။

ဖြေ။ ။ တကယ်တမ်းပြောရရင် ငတ်တော့လည်း တောင်းစားမိမှာပေါ့ဗျာ … ဟုတ်တယ်မလား။ ကုန်းခြံကုန်းလမ်းမှာ အစားအသောက်တွေပေးကြပါနဲ့ တကယ်ငတ်မွတ်နေကြတာကိုး … တောင်းမှာပေါ့၊ သိပ်ရုပ်ပျက်ဆင်းပျက်တော့ မဖြစ်ပါဘူး … ဘီစကစ်တွေ ကားပေါ်ကပစ်ချလို့ လမ်းဘေးမှာလူးလှိမ့်ပြီး လုနေတာတော့မရှိပါဘူး … ကားတိုက်ပြီး သေကုန်မှာပေါ့။

မေး။ ။ အမေရိကန်က ပြောနေတုန်းရှိသေးတယ်၊ တချို့နေရာတွေကို သူတို့ရဲ့ ရေပေါ်၊ မြေပေါ်မှာသွားလို့ရတဲ့ ရှပ်ပြေးမော်တော်လေးတွေနဲ့မှ အလုပ်ဖြစ်မယ်၊ ကူညီချင်ပါတယ်လို့ တဲ့။ အဲဒီအကူအညီက အခုလို တလပြည့်လာတဲ့ကာလမှာ လိုအပ်သေးတယ်လို့ ထင်သလား ခင်ဗျ။

ဖြေ။ ။ ကျနော့်အနေနဲ့ကတော့ လိုအပ်တယ် … ဒုက္ခသည်တွေက သူတို့ကို အမေရိကန်၊ ပြင်သစ်၊ အင်္ဂလိပ်က သင်္ဘောကြီးတွေ သူတို့ကိုလာကူညီနေကြပါပြီဆိုပြီး အရမ်းဝမ်းသာနေကြတာ … ကျနော်တို့က ရေဒီယိုလည်း ပေးတယ်လေ … ခင်ဗျားတို့ ကမ္ဘာနဲ့ အဆက်မပြတ်အောင် နားထောင်ကြပါလို့ … သတင်းတွေနားထောင်ပြီး တအားပျော်ကြတာ၊ အခုလို မလာတော့ဘူးလိုလိုဖြစ်တော့ သူတို့တွေအရမ်းခံစားရတာ။ ကျုပ်တို့ကို မကယ်တော့ဘူးလား၊ ဒီအတိုင်းပစ်ထားတော့မှာလား၊ ဒီကျွန်းပေါ်မှာ သေမယ့်ရက်ကို ထိုင်စောင့်နေရမှာလားလို့ အော်ကြတာ။ တယောက်တည်း၊ နှစ်ယောက်တည်းက ပြောတာမဟုတ်ဘူး။ အဘိုးကြီး၊ အဘွားကြီးတွေ၊ ကလေးတွေပါ ပြောကြတာ။ 

Relief Works at Shwe Bo, Kan Zu, Htain Chaung, Kyun Nyo, EYar, News Photos

ဘိုကလေး မြင်ကွင်း
သွားရောက်ခဲ့သော ရွာများ - ရွှေဘို၊ ကံစု၊ ထိန်ချောင်း၊ ကျွန်းညို၊ ဧရာ
ဓာတ်ပုံသတင်း
မေ ၃၀၊ ၂၀၀၈

ပင်လယ်ဖက်က လှည့်ဝင်ရသော ဒေသမြင်ကွင်းများ ဖြစ်ပါတယ်။ ကယ်ဆယ် စောင့်ရှောက်ရေးတွေအပြင် စိုက်ပျိုးရေး ပြန်လည်ထူထောင်ရန်အတွက် အကူအညီများပေးခြင်း၊ ဆေးကုသခြင်းနှင့် ဆက်သွယ်ရေး လမ်းကြောင်းများ ပြုလုပ်ခြင်းတို့ လုပ်ကြရသည်ဟု သိရသည်။ စိတ်ရောဂါကု ဆရာဝန်များကိုပါ အကူအညီတောင်း ဆောင်ရွက်ကြရသည်ဟု ဆိုပါသည်။ (ဇာဂနာနှင့် အနုပညာရှင်များထံက လာတဲ့စာ)

ကိုယ်ထူကိုယ်ထ ကိုယ့်အားကိုယ်ကိုး ပြည်သူများဖြင့် မြန်မာပြည်ကို တည်ဆောက်နေပြီ ဖြစ်ရာ - ပြည်သူသာ အမိ၊ ပြည်သူသာ အဖ ဟု မကြွေးကြော်ဘဲ၊ တပ်မတော်သာ အမိ၊ တပ်မတော်သာ အဖ ဟူသော တပ်မတော်အစိုးရ ကို မြန်မာတို့က ဘေးမဲ့ပဲ ပေးထားလေသလား၊ တပ်မတော်ကြီးကပဲ ပြည်သူ့ကယ်ဆယ်ရေးလုပ်ငန်းများကို လက်ပိုက်ပဲ ကြည့်နေလေသလား ( စာဖတ်သူတွေ ရေးတဲ့စာ)

အနုပညာရှင်တွေရဲ့ အလှူမြင်ကွင်း

အနုပညာရှင်တွေရဲ့ အလှူမြင်ကွင်း
မိုးမခ၊ ဓာတ်ပုံသတင်း
မေ ၂၇၊ ၂၀၀၈

ကိုရီးယားရောက် မြန်မာများ လှူဒါန်းငွေကို နာရေးကူညီမှုအသင်းက ကျော်သူနှင့်အတူ ဝေဠုကျော်တို့ လက်ခံနေစဉ် (ဓာတ်ပုံ - အင်တာနက်၊ ၀င်းလတ်)

လူမင်း၊ ငှက်ပြောကြော်၊ အရိုင်းနဲ့ ကင်းကောင်တို့ လေဘေးအလှူ ၀ိုင်းကူဆောင်ရွက်ခဲ့ကြသည်။ (ဓာတ်ပုံ - အင်တာနက်၊ ကောင်းကင်ပြာ)

အနုပညာရှင်များ၏ ကူညီရေးလှုပ်ရှားမှုများ

အနုပညာရှင်များ၏ ကူညီရေးလှုပ်ရှားမှုများ
မိုးမခ၊ ဓာတ်ပုံသတင်း
မေ ၂၄၊ ၂၀၀၈

Together with the Burmese volunteers groups and their friends, The artists and the actors are taking bus and boat to help the Burmese Nagis Victims in the delta area.

လေဘေးကယ်ဆယ်ရေး စေတနာ့ဝန်ထမ်းများကို စစ်အစိုးရက ဖမ်းဆီးဟု ကြား

လေဘေးကယ်ဆယ်ရေး စေတနာ့ဝန်ထမ်းများကို စစ်အစိုးရက ဖမ်းဆီးဟု ကြား
မိုးမခ
မေ ၂၂၊ ၂၀၀၈

တောင်ဒဂုံတွင် နေထိုင်ကြသူ ကိုလေးလွင်၊ မချိူ၊ ကိုထွန်းထွန်းဇော်၊ ကိုခင်ထွန်း၊ မဥမ္မာ၊ မ ပပတို့ကို စစ်အစိုးရ လုံခြုံရေးအဖွဲ့က ယနေ့မနက် ၃ နာရီတွင် ဖမ်းဆီးသွားကြောင်းသိရသည်။ ကိုခင်ထွန်းမှာ အဲန်အယ်ဒီ မုန်တိုင်းဒဏ် ကယ်ဆယ်ရေးကော်မတီအဖွဲ့ဝင် တဦးဖြစ်သည်ကို တွေ့ရသည်။ ကိုဇာဂနာ၏ အဆိုအရ သူတို့အားလုံးသည် ဒဂုံဒေသဖက် လေဘေးကူညီစောင့်ရှောက်ရေး အလှူကိစ္စများတွက် စေတနာရှင်လုပ်အားပေးများဖြစ်ကြောင်း သိရသည်။

လှိုင်သာယာမြို့နယ် နအဖအဖွဲ့ကမူ ဒုက္ခသည် ပြည်သူများကို ကူညီလိုပါက အာဏာပိုင်များကတဆင့်ကူညီရန်၊ အလှူခံနေသူ ဒုက္ခသည်များကြောင့် ပြည်တွင်း ပြည်ပတွင် အရှက်မရကြရေး ကာကွယ်ရန်၊ ယခုအချိန်တွင် အရေးပေါ်ကယ်ဆယ်ရေးအလုပ်များ ပြီးစီးပြီးဖြစ်သဖြင့် ပြန်လည်ထူထောင်ရေးနှင့် ပြန်လည်တည်ဆောက်ရေး ပြုကြရမည့်အချိန်ဖြစ်ကြောင်း စသည်ဖြင့် သတိပေးထုတ်ပြန်ထားသည်ကို တွေ့ခဲ့ရသည်။

ဒေးဒရဲ အသွား မြင်ကွင်းများ

ဒေးဒရဲ အသွား မြင်ကွင်းများ
မိုးမခ၊ ဓာတ်ပုံသတင်း
မေ ၂၃၊ ၂၀၀၈

Still at 20th May 2008, in Delta area, bodies were found still floating

Burmese Film villains in movies but outside, Heroes at heart helping Burmese

Burmese Refugees showing how much they thanked the volunteers and relief helps
(Before 2nd May 2008, they had their own home, family and friends but after the storm, they were left with nothing but at the charity of concerned Burmese citizens and the World ... Please do not wait ... Save Lives and Save Burma ...)

မုန်တိုင်း ဧရာဝတီ သီချင်း

မုန်တိုင်း ဧရာဝတီ သီချင်း
မြန်မာ့အနုပညာရှင်များ
မေ ၂၂၊ ၂၀၀၈

မိုးမခနဲ့ စကားလက်ဆုံ - ဇာဂနာ - (လေဘေး ဒုက္ခသည်တွေက ဘန်ကီမွန်းကို မျှော်နေသလား)

Make Shift Tents for Burmese Refugee setup by the Burmese volunteer led by Burmese Artists

မိုးမခနဲ့ စကားလက်ဆုံ - ဇာဂနာ
(လေဘေး ဒုက္ခသည်တွေက ဘန်ကီမွန်းကို မျှော်နေသလား)
မိုးမခ
မေ ၂၀၊ ၂၀၀၈

မေး - ဟောဗျာ။ ညဖက် မိုးချုပ်နေပြီပဲ။ ဘာတွေ အလုပ်များနေတာပါလိမ့်။

ဖြေ - နေ့ရော၊ ညရော မအားရပါဘူးဗျာ။ အခု ကျနော်တို့ ပစ္စည်းတွေ … ကယ်ဆယ်ရေးပစ္စည်းတွေ ကားပေါ်တင်နေတယ်။

မေး - အခုက ဘယ်နေရာမှာလဲ။

ဖြေ - ဘုန်းဘုန်းတွေရဲ့ ဘုန်းကြီးကျောင်းတွေမှာ။ ဒိုင်နာ ၈ စင်း အပြည့် ဖြည့်နေတယ်။ ကယ်ဆယ်ရေး ပစ္စည်းတွေပေါ့ဗျာ။

မေး - ဘယ်ကို ချီတက်မှာလဲ။ ဘယ်လောက်ထိ သွားနိုင်ပြီလဲ။

ဖြေ - ဘိုကလေး၊ ဒေးဒရဲ၊ ဖျာပုံ။ ဖျာပုံကနေ ကားကိုမောင်း ပြီးရင်တော့ ရေလမ်းက စက်လှေတွေနဲ့ ခွဲဝေပြီး ၀င်ကြရမယ်။

မေး - ကားလမ်းတလျောက်မှာကော။ အဆင်ပြေနေကြပြီလား။

ဖြေ - မပြေပါဘူုးဗျာ။ လမ်းဘေး တောက်လျောက်မှာ ဒုက္ခသည်တွေက ကားလမ်းအထိကို ထွက်ပြီင်္း အကူအညီတောင်းနေကြတယ်။ မိုးရေထဲမှာတောင် ရပ်ပြီးတော့ပေါ့။ ကျနော်တို့က လောလောဆယ် သူတို့ကို ကျော်ဖြတ်ပြီးတော့ ဝေးတဲ့ဒေသ၊ ရေလမ်းက ပေါက်တဲ့ နေရာတွေကို ၀င်နေရတာလေ။

မေး - ဒုက္ခသည် စခန်းတွေ ဖွင့်လှစ်ပေးထားတယ် ဆိုတာကကော။

ဖြေ - ဒီလောက်နဲ့ မလုံလောက်ဘူး။ အများကြီး လိုနေတယ်။ အများကြီး။ စက်လှေနဲ့ ၀င်သွားရတဲ့ ရွာတွေဆိုတာ ကယ်ဆယ်ရေးတို့၊ ဘာတို့ မကြားဘူးဖူး။ ဒီလိုပဲ စမ်းတ၀ါးဝါးနဲ့ အသက်ရှင်နေကြတာ။ မငေးဒိုင်နယ်၊ အိမ်ခြေ ၁၀၀၀၊ ၇၀၀ ပျက်၊ လူ ၂၀၀ သေ၊ ပျောက် ၃၀၀။ စားမစရာ မရှိဘူး။ ၀တ်စရာ မရှိဘူး။ ဒါမျိုးရွာပေါင်း ၁၀၀ ကျော်တယ်။

Zarganar received donation from concerned public at Pegu

မေး - ကယ်နေတဲ့ လှူနေတဲ့ ပုံတွေကတော့ အများကြီး တွေ့နေရတာပဲ။

ဖြေ - ဒါက ကယ်ဆယ်ရေး လက်လှမ်းမီတဲ့ နေရာတွေကိုး။ တောကို တိုးသလို ဆက်တိုးဦး၊ ဆက်သွားဦး။ အများကြီး ကျန်သေးတယ်။ အဲဒါကို စာနယ်ဇင်း ပညာတတ်ကြီးတချို့က ဒီလိုကူနေ ကယ်နေရင် ရေသာခို အချောင်သမား စိတ်ဓာတ်တွေ ၀င်ပြီး တိုင်းပြည်တပြည်လုံး သူတောင်းစားကြီးပဲ ဖြစ်ကုန်တော့မယ် … တို့။ ဒီလူတွေက ဒုက္ခသည် အစစ်မဟုတ်ဘူး၊ တောင်ကြောင်တွေ၊ ရန်ကုန်တက်ပြီး ဓါးပြတိုက်လာမယ့် လူတွေဆိုပြီး လျောက်ရေးနေ၊ လျောက်ပြောနေကြတယ်ဗျာ။

Monks & Burmese people volunteerily work together hand in hand to help relief the storm victims

Burmese Artist, Nga Pyaw Gyaw seen at the help camp (excuse the date on the camera)

Ko Lu Gyaw Group, Burmese Artists Volunteer Group accpeting donation from Public (excuse the date on the camera)

မေး - အော် အဲသလို သူတောင်းစားတိုင်းပြည်ကြီး ဖြစ်မှာစိုးလို့ ထိပ်ကနေ ပိတ်ပြီး အကူအညီတွေကို စိစစ်နေရတာပေါ့နော်။ သတင်းစာထဲမှာလည်း တွေ့နေရတာကိုး။

ဖြေ - ဘာမှ မရဘူး၊ ဘာမှ မရှိဘူး၊ ဘာမှ မရောက်ဘူး။ ဘယ်မှ သွားလို့ မရဘူး။ အဲလိုမျိုး ရွာတွေ ရွတ်ပြရမယ် ဆိုရင် - ဒေးဒရဲမှာ ၉၆ ရွာ၊ မြင်းကကုန်း ချောင်းဝ ၅၀၊ နောက်ပြန်တိုး ၂၀၀။ တူးမြောင်း ၁၀၀။ ထံနီးပတ်၊ ဂွကြီး၊ မငေးလေး၊ ကျုံထမင်း၊ တိုက်စု၊ ခနောင် အများကြီးပဲ။ ရွာတွေ ရွာတွေ။

မေး - ကုလက အဖွဲ့တွေ၊ ရောက်နှင့်နေတဲ့ ကယ်ဆယ်ရေးအဖွဲ့တွေနဲ့ ခင်ဗျားတို့တွေ လက်တွဲပြီး အသိအမှတ်ပြုပြီး လုပ်နေကြသလား။

ဖြေ - လုပ်နိုင်သလောက်တော့ လုပ်ပါတယ်။ ကိုယ့်အလုပ်တွေနဲ့ ကိုယ် အရမ်းပိနေတော့လဲ အားလုံးတော့ လိုက်မပြောနိုင်၊ လိုက်မကြည့်နိုင်ဘူး။ ဒီမှာဆို ဖြူဖြူသင်းတို့၊ အနုပညာရှင်တွေ၊ ပြီးတော့ စေတနာရှင် ပြည်သူလူထု အလှူရှင်တွေ စုပေါင်းပြီး သွားလာ လုပ်ကိုင်နေရတာပါဗျာ။

မေး - ကိုကျော်သူတို့၊ မရွှေဇီးကွက်တို့ဖက်ကလည်း အလုပ်တွေ အရမ်းများနေတယ်နော်။

ဖြေ - ဟုတ်တယ်။ မျိုးချစ်စိတ်ရှိတဲ့လူတွေ အားလုံးကတော့ ရှိတဲ့တနိုင်တပိုင်နဲ့ ထလာပြီး လုပ်ကြတာပဲ။ စွပ်ကျယ်နဲ့ ထလာတဲ့သူက စွပ်ကျယ်ချွတ်ပြီး ကူတာပဲ။ လှူတာပဲ။ ဘာမှ လျောက်ပြောမနေဘူး။

Displaced Burmese Children at the shelter (old school converted into shelter)

မေး - တပူပေါ် နှစ်ပူဆင့်တွေကော ဘာတွေရှိသလဲ။

ဖြေ - အမေ အဖေ မရှိတော့တဲ့ မိဘမဲ့ မိသားစုမဲ့ ကလေးသူငယ်တွေ အများကြီးပဲ။ သူတို့အတွက် မိဘမဲ့ကလေးစခန်းတခု ထောင်ဖို့လိုတယ်။ ဒုက္ခသည် စခန်းတွေလည်း အများကြီး လွတ်လွတ်လပ်လပ် အနှောက်အယှက်မရှိ ထောင်နိုင်ဖို့၊ ကူညီပေးနိုင်ဖို့၊ ကြေညာပေးနိုင်ဖို့ လိုတယ်။ ရှေ့က ဆောက်၊ နောက်က ဖျက်တို့။ ဟိုပို့ ဒီပို့ … ဟိုပြောင်း ဒီပြောင်းဆိုရင် ဘယ်လိုမှ ရှေ့မတိုးနိုင်ဘဲ ဖြစ်လိမ့်မယ်။

Make Shift Tent for Burmese Refugees

မေး - ဘယ်လိုများ ခင်ဗျားတို့ ဒုက္ခသည်စခန်းတွေ ဆောက်နေသလဲ။

ဖြေ - ဒုက္ခသည် စခန်းမဟုတ်ဘူးဗျ။ ယာယီတဲတွေ။ လူကြမ်းအဖွဲ့က လိုက်ဆောက်ပေးနေတယ်။ အခု။

မေး - ဖျက်တာတွေကော ရှိသလား

ဖြေ - ကော့မှူးကယ်ဆယ်ရေးစခန်းကို ဖျက်ပစ်လိုက်ပြီ။

မေး - ယူအန်က အကြီးအကဲတွေ လာမယ်လေဗျာ။ သူတို့ကို တင်ပြပေးရမှာပေါ့။ ခင်ဗျားတို့က …

ဖြေ - အောင်မယ်လေး။ လူကြီးတွေလာမယ်ဆိုရင် လမ်းကြောင်းရှင်းတယ်ဆိုတာ အဲဒါပဲ။ လမ်းပေါ်က ဒုက္ခသည်တွေကို ရှင်း၊ လမ်းဘေးက ကျွတ်ကျွတ်အိတ်ဆွဲ ကယ်ဆယ်ရေးအလှူရှင်တွေကို ရှင်း။ စည်းကမ်းရှိသော လေဘေးဒုက္ခသည်နှင့် စခန်းများကိုသာ မြင်သာ ထင်သာ ထားဆိုတော့ … အလှူရှင်တွေက လှူလို့ မရတော့ဘူး။

မေး - ဟိုက်။ ဒုက္ခသည်တွေက လူကြီးတွေ လာမယ်ဆိုမှ ကာလနာ ပိုတိုက်တာပေါ့။ စားစရာမရှိ၊ ပြေးစရာမရှိ။

ဖြေ - အဲဒါကြောင့် ဒုက္ခသည်တွေက ကျိန်စာတိုက်နေကြတယ်။ အဲလိုပြောရတာတော့ မကောင်းပါဘူး၊ ဒါပေမဲ့ ဒါက ဖြစ်ရပ်မှန်ပဲ။ ဘန်ကီမွန်း လေယာဉ်ပျက်ကျပါစေတဲ့။ သူလာမယ်ဆိုလို့ ငါတို့တွေ အလှူရှင်တွေတောင် ရှားပါးကုန်ပြီတဲ့။

Old people waiting in line for food donation

မေး - အခု ဘာတွေ လှူနေရသလဲ။

ဖြေ - ဆန်အိတ် ၃၀၀၊ အ၀တ်မျိုးစုံ ၄၂ အိတ်၊ လက်နှိပ်မီး ၄၂၀၊ မိုးကာတဲ ၄၀၀၊ ဆား ၁၀ အိတ်၊ ခေါက်ဆွဲခြောက် ၂၀၀၀၊ ကာဘော်လစ် ၅၀၀၀၊ ယားနာဆေး ၁၅၀၀၊ ဓာတ်ဆား ၂၀၀၀။

မေး - အဖွဲ့အစည်းကြီးတွေဆီက ရသလား၊ အပြင်က ၀ယ်ရတာလား။

ဖြေ - ၀ယ်ရတာပါခင်ဗျာ။ ပွဲရုံ၊ ညောင်ပင်လေးဈေး၊ ဆေးဆိုင်တွေဆီက လိုက်ဝယ်ရတာပါ။ ဂိုဒေါင်ထွက် ပစ္စည်းတွေ တခုမှ မပါပါကြောင်း။

Children at the Shelter converted from School building

မေး - အကူအညီပေးနေတဲ့ အဖွဲ့ကြီးတွေက ဘယ်မှာ ကယ်ဆယ်ရေးတွေ လုပ်နေသလဲ။

ဖြေ - ဘိုကလေး၊ လပ္ပတ္တာတွေမှာ။ စခန်းတွေ ဆောက်ပေးတယ်။ သူတို့ပစ္စည်းတွေနဲ့ အကူအညီတွေ ပေးတယ်။ တချို့ကိစ္စတွေမှာ ကူညီပေးပါတယ်။

မေး - သတင်းနဲ့ ပြန်ကြားရေးက ဘယ်လိုလုပ်ကြသလဲဗျာ။ ဟိုမှာ လိုတယ်။ ဒီကို လာပါ။ ၀ိုင်းကြပါအုံး ဆိုတာမျိုးတွေ …

ဖြေ - အဖွဲ့အစည်းကြီးတွေကတော့ သူတို့ အစီအစဉ်တွေနဲ့ သူတို့ရှိတာပေါ့။ ကျနော်တို့လိုမျိူးတွေက အဲဒါမျိုး လုပ်လို့ မရဘူးလေ။

မေး - ဆရာဝန်တွေကော ပါသလား

ဖြေ - ဆရာဝန် အကြီး ၄ ယောက်၊ အငယ် ၆ ယောက်ပါတယ်။ ဆေးဖိုးက အနည်ဆုံး တနေ့ကို ၂ သိန်း ကုန်တယ်ဗျ။

မေး - ကယ်ဆယ်ရေးတို့၊ ရှင်းလင်းရေးတို့ ဘယ်လို ၀င်ရသလဲ။

ဖြေ - မငေးကြီး ဒိုင်နယ်ဆိုရင်၊ ချောင်းထပြင်ဖက် သွားတော့၊ လူသေတွေက ချောင်းရိုးအတိုင်း မျောနေတာ။ ရွာတွေက ဆက်နေတာ၊ ကန်ညောင်၊ သာယာကုန်း၊ ကန်စု၊ ထိန်တော၊ တဆက်တည်းပဲ။ စက်လွှတွေနဲ့ သစ်ပင်တွေကို ဖြတ်ပြီး ၀င်ရတယ်။ အနံ့တွေ ဆိုးလိုက်တာနော်။ အန်တောင်ယူရတယ်။ အခုလိုမျိုး တောက်လျောက် လိုက်ကူ၊ လိုက်ရှင်းနေတာနော်၊ ဘာမှ ဒီထက် ရောဂါတို့ ဘာတို့ ထပ်မဖြစ်ဘူးဆိုရင်တောင် နောက် ၃၊ ၄ လ ရှင်းရမှာ။ လိုက်ရှာပြီး အကူအညီ အစောင့်အရှောက်တွေ ပေးနေရမှာ။

မေး - အဖွဲ့အစည်းကြီးတွေရဲ့ ကူညီနေတဲ့ နှုန်းကကော။

ဖြေ - လပ္ပတ္တာမှာ စုရပ် ၄၉ ခု ရှိတယ်။ မိသားစုပေါင်း ၄၉ ၅၂၇ ရှိတယ်။ တဲက လူ ၁၃ ၃၃၅ ပဲ ပေးနိုင်တယ်။ ကျနော်တို့က အဲဒီလောက်မျိုးတောင် မကူနိုင်ပါဘူး။ ဒါပမဲ့ ရပ်ကြည့်နေလို့မရဘူး။ စောင့်နေလို့ မရဘူး။ အခု ၂ ပတ်ကျော်ပြီ။

မေး - ၀မ်းနည်းတဲ့ ရက် လေး ဘာလေး ခင်ဗျားက မကြေညာဘူးလား။

ဖြေ - အို ဘာတွေ လာမေးနေတာလဲ။ ဒီမှာ မနက် မိုးလင်းတော့မယ်။ ပစ္စည်းတွေ တင်လို့ ပြီးတော့မယ်။ စေတနာရှင် လူငယ်တွေကို ထမင်းကျွေးကြမလို့ ၀ိုင်းကူလိုက်အုံးမယ်။ ဒါပဲနော်။

မေး - ဟုတ် …

At the monastery, the shelter place for displaced childen after the Nagis Storm

Zarganar seen with some non-Burmese in Yangon

မိုးမခနဲ့ စကားလက်ဆုံ - ဇာဂနာ

မိုးမခနဲ့ စကားလက်ဆုံ - ဇာဂနာ
"ရန်ကုန်မြစ်ကြီး ညှီပြီင်္း အနံအသက်တွေ ထွက်နေပါပြီ"
မိုးမခ
မေ ၁၁၊ ၂၀၀၈

ရုပ်ရှင်ပညာရှင်၊ အနုပညာရှင်တွေနဲ့ စာနယ်ဇင်းပညာသည်တွေ စုစည်းလို့ လေဘေးဒုက္ခသည်တွေကို အတတ်နိုင်ဆုံး အကူအညီပေးဖို့ ကြိုးစားနေပါတယ်။ အမျိုးသားဒီမိုကရေစီအဖွဲ့ချုပ်ကလည်း ကယ်ဆယ်ရေးကော်မတီဖွဲ့စည်းလို့ အဖွဲ့ချုပ်က လူကြီး၊ လူငယ်တွေက ၀ိုင်းဝန်းဆောင်ရွက်နေတာကို တွေ့ရပါတယ်။ စစ်အစိုးရက တပ်မတော်အင်အားရှိမှ တိုင်းပြည်အင်အားရှိမယ်။ ဒါကြောင့် အခု အရင်ဆုံး အခြေဥပဒေကို အရင်ဆုံး ၀ိုင်းအားပေးကြလို့ ဆိုနေတာကြောင့် မုန်တိုင်းသင့်ထားတဲ့ အလောင်းတွေ၊ လူနာတွေနဲ့ ဒုက္ခသည်တွေအတွက် အားတွေ မပေးနိုင်သေးကြောင်း သူ့အလုပ်တွေနဲ့ သက်သေပြလျက်ရှိပါတယ်။

လမ်းမှာ အပြေးအလွှားသွားနေတဲ့ ပြည်သူ့မိတ်ဆွေ ကိုဇာဂနာနဲ့ မိုးမခတို့ စကားလက်ဆုံ တခဏတာ ပြောဖြစ်ခဲ့တာလေးကို တင်ပြလိုက်ပါတယ်။

မေး - အလုပ်တွေ များနေပါလား။ အပြေးအလွှားတွေချည်း တွေ့နေရတယ်။

ဖြေ - ဟုတ်တယ်။ အခု ဆေးတွေ၊ အစားအသောက်တွေ လိုက် အလှူခံနေတာ။ အ၀တ်အစားတွေ ၂ သောင်းလောက် စင်္ကာပူက ရောက်တယ်။ အခု ကိုကျော်သူတို့ လှည့်ဝေနေပြီ။

မေး - အခြေအနေ ဘယ်လိုရှိသလဲဗျာ။

ဖြေ - ရန်ကုန်မြစ်ကြီး တခုလုံး ညှီနေပြီဗျာ။ ရန်ကုန်မြို့ကြီးမှာလည်း အနံအသက်တွေ မကောင်းတော့ဘူး။ နယ်တွေကို မပြောနဲ့အုံး။ ကလေးတွေ ဆေးရုံတွေမှာ၊ ဆေးခန်းတွေမှာ။ ၀မ်းပျက်တယ်။ ၀မ်းလျှောတယ်။ အနာတွေလည်း ပေါက်တယ်။ ဘာအနာလေးတွေမှန်းတောင် မသိဘူး။

မေး - ဘာတွေ လိုနေသလဲ။ ဘာတွေ ရှိပြီလဲ။

ဖြေ - အကုန်ပဲ။ လိုတာ။ ဘာမှ မရှိဘူး။ လှိုင်သာယာ၊ ကွမ်းခြံကုန်း၊ တောင်ဒဂုံ … ဟာ … နေရာ အနှံ့ပါပဲ။ ဆန်က အရေးကြီးတယ်။ ဆန်ထုပ်ကလေးတွေ ထုပ်ဝေရတာပေါ့။ ရေသန့်ဆေးပြားတွေ လိုတယ်။ ဆေးတွေ လိုတယ်။ အနာလိမ်းဆေးတွေ။ ၀မ်းပျက်ဆေးတွေ။ ၀မ်းပျက်စေတဲ့ဆေး မဟုတ်ဘူးနော်။ ၀မ်းပျက် ၀မ်းကိုက် ပျောက်ဆေး။

မေး - ဟုတ်ကဲ့။ အကိုတို့လို လူမှုရေးနဲ့ အမျိုးသားရေးမှာ တက်ကြွပြီင်္း အတွေ့အကြုံရှိတဲ့၊ ခံနိုင်ရည်တွေ ရှိတဲ့ ၀ိုင်းတော်သားတွေ၊ မိသားစုတွေ၊ အနုပညာရှင်တွေကို ၀ိုင်းပြီး ၀န်းရံကြဖို့ လုပ်အားဝိုင်းပေးကြဖို့ အရေးကြီးတာပေါ့နော်။ အမျိုးသားဒီမိုကရေစီအဖွဲ့ချုပ်ရဲ့ ကယ်ဆယ်စောင့်ရှောက်ရေး အဖွဲ့တွေကိုလည်း လက်တွဲဆောင်ရွက်နေကြပြီပေါ့။

ဖြေ - ဒီအချိန်မှာ အားလုံးက ဒုက္ခသည်တွေချည်းပဲ။ ဒုက္ခနည်းနည်းရောက်တဲ့သူက ဒုက္ခများများရောက်တဲ့သူကို ၀ိုင်းဝန်း ကူညီစောင့်ရှောက်နေရတာ ဖြစ်တယ်။ တမြို့လုံး အနံအသက်မကောင်းတာကနေ အားလုံးဆီ မပျံ့နှံ့ဖို့ လိုတယ်လေ။ အစားအသောက်က အရေးကြီးသလို အခု ကျန်းမာရေးက အရေးပေါ်နေပြီ။ ရေသန့်ဆေး၊ လိမ်းဆေး၊ ဆေးမျိုးစုံတွေ … ကျွမ်းကျင်တဲ့ ပညာရှင်တွေ … လိုအပ်နေပါတယ်။

မေး - မင်းသား မင်းသမီးတွေကိုလည်း လမ်းပေါ်မှာ တွေ့နေရတယ်။

ဖြေ - ဟုတ်တယ်။ ပြည်သူတွေဟာ သူတို့ ထမင်းရှင်တွေပဲ။ အခု အများကြီး အဖွဲ့လိုက် နယ်တွေကို ဆင်းကြလိမ့်မယ်။ ဆင်းနေပြီ။ ခင်ဗျားတို့ ဓာတ်ပုံတွေ မြင်ရင် ဘယ်သူတွေလဲဆိုတာ တွေ့ကြလိမ့်မယ်။

မေး - နိုင်ငံရေး အကျဉ်းသားတွေ၊ မိသားစုတွေ အတွက်လည်း ဆက်လက်ဆောင်ရွက်ဆဲပဲပေါ့

ဖြေ - အမြဲတမ်း ဆောင်ရွက်နေပါတယ်။ စာရေးဆရာတွေ၊ စာနယ်ဇင်းသမားတွေလည်း လက်တွဲပြီး ကူညီနေကြတယ်။ အေးဗျာ … ပေါ်ဦး (ကိုမင်းကိုနိုင်) မျက်စိ ပြခွင့်ရခဲ့တယ်ဗျာ။ ကန်တော်ကြီးမှာ ဆိုပဲ။ အဲဒါလေး သတိရလို့ ထည့်ပြောလိုက်တာ။ အဲဒီနောက်ပိုင်း ထူးတာရှိရင် ပြောမယ်လေ။

မေး - ဟုတ်ကဲ့။ ကျနော်တို့နဲ့ အခုလို အပြေးအလွှားနဲ့ ဖြေကြားတာ ကျေးဇူးတင်ပါတယ်။

ဖြေ - နောက်တွေ့ချင်ရင် လိုက်ရှာပြီးသာ ခေါ်နော်။ ကျနော်တို့မှာ ဘာမှ မရှိဘူး။ မီးမရှိ၊ ဖုံးမရှိ၊ အင်တာနက် မရှိနဲ့။ နို့ဆီခွက်ကို ဟိုဖက် ဒီဖက် နန်းကြိုးဆွဲပြီး ပြောလို့ရရင် အကောင်းသား။

ပြည်သူချစ်သော အနုပညာသည်များ

ပြည်သူချစ်သော အနုပညာသည်များ

ဓာတ်ပုံသတင်း
မိုးမခ
မေ ၁၆၊ ၂၀၀၈

ကလေးသူငယ်တွေမှာ ဒီလို အရေပြားအနာတွေ ဖြစ်နေကြပါတယ်

မအူပင်မှာ ငှက်ပျောကြော်နဲ့ အဖွဲ့ကို ဒုက္ခသည် ပြည်သူများကြားမှာ တွေ့ရစဉ်

ပဲခူးမှာ ဇာဂနာ၊ အောင်လွင်နဲ့ အဖွဲ့ အလှူခံနေကြစဉ်

ဒေးဒရဲ၊ ဖျာပုံ၊ ဘိုကလေးတ၀ိုက် ချောင်းလက်တက်လေးတွေက လူတွေ ဘာမှ မရသေးဘူး။ ရွာ ၁၈ ရွာလောက်က ရေထဲမှာ ကျွန်းမျောတွေလို ဖြစ်နေတာ၊ ဟယ်လီကော်ပတာနဲ့မှ ရောက်နိုင်မှာ။ ဝေဠုကျော်က လပွတ္တာ …၊ မအူပင်မှာ ငှက်ပျောကြော်တို့ …၊ ဒေးဒရဲမှာ ဧရာ နဲ့ အဖွဲ့တွေ၊ ဖျာပုံ ဘိုကလေးမှာ ကိုအောင်ခိုင်တို့၊ သတိုးစောတို့ …။ ကျနော်က ရန်ကုန်ကနေ မနက်တိုင်း ပစ္စည်းပို့ …။ ရန်ကုန်ထဲမှာ လှိုင်သာယာ၊ တောင်ဒဂ၊ုံ တိုးကြောင်ကလေးတို့မှာနေ့တိုင်း ဆန်ဝေတယ်၊ ထမင်းကျွေးတယ်။ (ဇာဂနာ ရေးတဲ့စာ)